श्याम ने बांह मरोरी जो आ सकुचा तन से लिपटा गयी गोरी।
बेसुध हवै के खड़े ही रहे मुख पे जाने क्या-क्या लगा गयी गोरी।
जापे न कोई भी रंग चढ़ै वापे प्रीति को रंग चढ़ा गई गोरी।
_____________________________________
वैसेहु अंग अनंग मरोरत नैन कमान में बान धरौ ना।
भीजि गयो मन अतंरलौ अब या पिचकारी में रंग भरौ ना।
भैया विदेश से आये न होरी में सूने मे जू कोई चाल चलौ ना।
गोरी कलाई मरोरि लौ लेकिन देवर या मुख कारो करौ ना।
_____________________________________
रंग में बोरि दयो तन को अस पीर उठैगी तो कौन हरैगो।
सुधि खो गयी है तन की सिगरी अब देह बिगारि कै काह मिलैगो।
फेकहु बावरी या पिचकारी को नेको नहीं अब धीर धरैगो।
साँवरे रंग में बुड़ि गई अब और नहीं दूजो रंग चढैगो।
_____________________________________
शूल की सेज पे सोई जो प्रेम से गन्ध सनी हुई पांखुरी ह्वै गई।
घोलि गई मिसिरी असि बैनन पूरी धरा ब्रज माधुरी ह्वै गई।
नैनन मोहन मोह नही कछु, त्याग की भक्ति की आंजुरी ह्वै गई।
बावरी स्रष्टि समूची हुई जब कान्ह के होठ पे बांसुरी ह्वै गई।
No comments:
Post a Comment